„Судискиот информатор“ е публикација која Центарот за континуирана едукација при Здружението на судиите на Република Македонија периодично ја издава и ја дистрибуира до сите судии. Судискиот информатор содржи информации за едукативните програми, главните настани на Здружението и другите активности коишто се од интерес за судиите.

Како додаток, Судискиот информатор има Стручен прилог, во кој се содржани најзначајните закони и нивните најнови измени, колективните договори, одлуките на Уставниот суд и начелните правни мислења на Врховниот суд на Република Македонија кои се користат од страна на судиите.

Во подготвувањето на Судискиот информатор учествува стручната служба на Здружението.