Здружението на судиите во соработка со Холандската Амбасада преку проектот за обука на Советодавното тело за судиска етика, во периодот од 26-27.11.2018 година ја одржа првата дводневна работилница на тема „Судска етика, Советодавно тело за судска етика и статусот на судиите“. Работилницата, предвидена со проектната методологија, беше спроведена во соработка со Холандското здружение на судии и Здружението на судии на Р. Србија, преку учество на судии со искуство во областа на судиската етика.
Целта на нивното учество е да се разменат ЕУ и регионални искуства во однос на статусот на судиите, статусот на судиската етика и како етичкиот кодекс се применува во практика, како во кодексот е регулиран начинот на примање на протоколарни подароци и други нематеријални бенефиции, каков е статусот на судиите поротници во нивните етички кодекси, како и други прашања поврзани со препораките на ГРЕКО.
На крајот од работилницата, учесниците донесоа соодветни заклучоци кои понатаму ќе бидат земени во предвид при утврдување на насоките за работа на Советодавното тело за судиска етика на Здружението на судиите на Република Македонија.
|