Управниот одбор на Здружението на судиите на Република Македонија, врз основа на член 32 од Статутот и Одлуката на Управниот одбор за формирање на Центар за континуирана едукација при ЗСРМ бр. 0401-36/99 од 15.1.1999 година, на седницата одржана на 15.1.1999 година го донесе следниот
 

Член 1

Центарот за континуирана едукација при Здружението на судиите на Република Македонија (во понатамошниот текст Центарот), ја спроведува програмата за едукација и стручно усовршување на судиите и другите кадри во судството и за таа цел организира предавања, семинари, советувања и други форми на работа во функција на остварување на целите и задачите на Здружението на судиите на Република Македонија (во понатамошниот текст ЗСРМ).

Член 2

Заради успешно остварување на своите цели и активности, Центарот соработува со судовите, Министерството за правда, Републичкиот судски совет, Врховниот суд на Република Македонија и другите сродни органи и организации со цел стручно усовршување на сите субјекти инволвирани во постапките пред судовите.

Член 3

Во рамките на својата работа и заради следење на современите трендови на планот на едукацијата Центарот остварува соработка со меѓународни институции, органи и организации.

Член 4

Со работата на Центарот раководи Одбор составен од 7 члена и тоа: 4 членови на ЗСРМ од кои, по функција, Претседателот на ЗСРМ и Претседателот на Собранието на ЗСРМ, и по еден претставник од Министерството за правда, Републичкиот судски совет и Врховниот суд на Република Македонија.
Во работата на Одборот учествуваат и Раководителот на Центарот кој непосредно раководи со извршувањето и реализацијата на програмата за едукација, како и претставници на други органи и организации кои допринесуваат за остварување на целите и активностите на Центарот како надворешни членови без право на глас.

Член 5

Управниот одбор на ЗСРМ, со одлука:

• го именува Претседателот и членот на Одбор на Центарот од редот на членовите на ЗСРМ;

• го верифицира изборот на Претседателот на ЗСРМ и Претседателот на Собранието на ЗСРМ како членови по функција, и членовите претставници на Министерството за правда, Републичкиот судски совет и Врховниот суд на Република Македонија; и

• го верифицира изборот на членовите без право на глас како претставници на органите и организациите кои со одлука ги определува Управниот одбор на ЗСРМ.

Мандатот на членовите на Одбор на Центарот со право на глас изнесува 4 години, со право на повторен избор.
Мандатот на членовите на Одбор на Центарот без право на глас е неограничен во зависност од одлуката на органот или организацијата што ги делегира.

Член 6

Одборот на Центарот донесува Деловник со кој ја уредува својата работа.

Член 7

Работите на Центарот ги извршува стручната служба на ЗСРМ чија работа се уредува со посебен правилник.

Член 8

Измените и дополнувањата на овој правилник се вршат на начин и во постапка како и за неговото донесување, на предлог на Управниот одбор на ЗСРМ, Одборот и Раководителот на Центарот.

Овој правилник влегува во сила со денот на неговото донесување.