Здружението на судиите на Република Македонија се залага за јакнење на професионалниот и општествениот статус на судиите и на судството во целина, за поттикнување на демократските реформи и процеси и за доследно почитување на принципите на владеење на правото.

        Основни статутарни цели и задачи на ЗСРМ, насочени кон остварување на нејзината определба, опфаќаат:

• залагања за доследно спроведување и почитување на уставноста и законитоста во Република Македонија и за нејзино јакнење како правна држава;
   

• јакнење на независноста на судиите и на судската власт во целина;
   

• залагање за јакнење на угледот и општествениот статус на судиите и грижа за нивните општествени и материјални интереси;
   

• поттикнување реформи во организацијата на судството и учество на судиите во подготвување на законите од областа на правосудството;
   

• давање иницијативи за измени и дополнувања на закони и други прописи и давање мислење во постапката за нивно донесување;
   

• преземање активности за стручно усовршување на судиите;
   

• донесување и примена на Кодексот на судската етика;
   

• преземање на активности за зближување и соработка меѓу членовите на ЗСРМ;
   

• развивање и соработка со слични здруженија и сојузи од територијата на Република Македонија и од странство.

<< оди горе