Ф И Н А Н С И Р А Њ Е

          За остварување на целите и за спроведување на активностите Здружението на судиите на Република Македонија обезбедува финансиски средства преку соработка со поголем број релевантни домашни и меѓународни здруженија и фондации. Најистакната е соработката со фондацијата - Институт отворено општество - Македонија (ФИООМ), потоа со Амероканската правна асоцијација/Правна иницијатива за Централна и Источна Европа (ABA/CEELI), со Советот на Европа, Институтот за уставна и правна политика (COLPI), Американската агенција за меѓународен развој (USAID), Британскиот Know How фонд, Германската фондација за меѓународна правна соработка (IRZ), Македонскиот центар за меѓународна соработка (МЦМС), Меѓународниот центар за непрофитно право (ICNL), Амбасадата на Кралството Холандија, Вестминстер фондацијата за демократија (WFD) и други.

          Со одлука на Управниот одбор на Здружението на судиите на Република Македонија, а заради остварување на тековните активности на истото, се воведува месечна членарина во износ од 150 денари, која е задолжителна за секој судија-член на Здружението.

          Здружението на судиите на Република Македонија настојува да обезбеди стабилни и трајни извори на финансирање од државата преку самостојниот судски буџет.