ЗСРСМ

Дата: 31.12.2025

Дата: 19.12.2025

Повик за номинации Почитувани судии, Здружението на судии на РСМ, потребно е до Министерството за правда на РСМ да достави номинација на нов претставник на судиите од Република Северна Македонија во Советодавното тело на Европските судии при советот на Европа ( CCJE ). Имајќи ја предвид важноста од активно учество на македонските судии во Консултативниот совет на европските судии, кое е единствено тело во рамките на меѓународните организации кое се состои исклучиво од судии, Здружението на судии на РСМ ги охрабрува судиите кои се заинтересирани и ги исполнуваат критериумите за учество да испратат писмо за интерес со кратка биографија, најдоцна до 30.12.2025 – та година, до Здружението, за понатамошна селекција и избор на номинација која ќе се достави до Министерството за понатамошно процесирање. Со оглед да годишните состаноци на Советот, се одржуваат во Стразбур, основен предуслов на номинираните судии е активно да владеат еден од двата службени јазици на Советот на Европа, односно англиски или француски, а дополнително, согласно критериумите кои треба да бидат исполнети, номинираните кандидати потребно е да имаат, повеќе годишно судиско искуство, висок професионален и морален интегритет, независност од политички и други влијанија, познавање на европските судски стандарди и способност за работа на меѓународно ниво. Со почит Здружение на судии на РСМ.

Дата: 14.11.2025

Господине Премиер, Веќе подолго време Вашите коментари кои ги давате за судиите и судството ја преминаа границата на доброто однесување и преминаа во неаргументирани и паушални напади. Критиката е добронамерна само кога се даваат конкретни забелешки и конкретни предлози за решавање на проблемите. Неаргументирана критика е покажување на намера ништо да не се преземе за подобрување на состојбите, туку севкупната општествена апатија да се префрли како вина на судиите. Судскиот систем никогаш не генерирал долгови, па оттаму нејасно е каква е поврзаноста на судството со државниот долг од 2 милијарди евра, кој недвосмислено е последица на постојаното задолжување на извршната власт, во минатото и сега. Сосема спротивно, токму судовите, преку наплата на паушали и парични казни, со години наназад ја полнат државната каса, а за возврат не добиваат никаков поврат од Буџетот, во смисла на нови вработувања, дигитализација на услугите, опремување на судниците и сл. Последниот извештај на ЕК, јасно нагласува дека најголемиот проблем во судството е независноста на судиите, која е поткопана од постојано мешање на извршната и законодавната власт. Како круцијален проблем е истакната и финансиската зависност на судството од државниот буџет, а во оваа смисла платите на судиите се само еден сегмент од финансиската независност. Ова се проблеми кои државата мора да ги поправи, бидејќи истите се суштински за Европската перспектива на земјата. Со Вашите досегашни коментари го нарушувате демократскиот принцип конципиран на рамноправност на трите власти, судската, законодавната и извршна. Судската власт е уставна категорија, а Уставот и независноста на судската власт треба да се почитуваат. Судски совет Врховен суд Здружение на судии

Дата: 31.10.2025

Здружение на судиите на РСМ го одржа XVIII – тото Редовно годишно собрание на кое присуствуваа претставници од сите судови во земјата како и членови на Судски Совет на РСМ. Покрај усвојување на Годишниот извештај за работа на Управниот одбор и финасискиот извештај на Здржението, средбата беше искористена за истакнување на сите предизвици и проблеми со кои се соочува судството во земјата како и предлози за идни активности и проекти со кои би се унапредила и дигитализирала работата на судовите, би се зголемила ефикасноста во постапките, избор на нови судии и пополнување на недостатокот во стручна служба, а сето тоа во правец на поголема доверба на граѓаните во судскиот систем. Во тој правец, Претседателот на Здружение на судиите на РСМ истакна дека : „Кратењето на средства од меѓународните донатори во невладиниот сектор, а со тоа и во Здружение на судиите, надополнета со се почестите неосновани и тенденциозни критики и напади упатени кон судската власт, кои неретко доаѓаат од претставниците на другите две власти, особено зачестени во предизборниот период, дополнително ги усложнуваат состојбите во судството. Искрено, не можам да разберам зошто некој со деградирање на судиите, манипулирање со јавноста и поткопување на владеењето на правото мисли дека ќе ја зацврсти својата позиција и доверба пред граѓаните, а воедно ќе го унапреди угледот на земјата во нејзините Европски аспирации. Напротив сметам дека со пристрасните напади и реплики едни на други, како три носечки столба на земјата, единствено си наштетуваме едни на други, ја уништуваме и онака кревката доверба не само во судската туку и во извршната и законодавната власт и земјата ја носиме во ќорсокак. Мора да бидеме реални, мора да сватиме дека довербата во судството дефакто и дејуре е всушност и доверба во државните институции, тоа е едно исто. Па од тука не ги разбирам државните претставници кога го напаѓаат судството и пласираат факти за состојбите во судството кои во многу нешта се невистинити.“ Во тоја правец Здружение на судиите на РСМ ги повикува сите како судии и како професионалци следниот период да го искористат за заедничка акција, наплив на идеи и проекти и соодветна застапеност на судиите во јавноста, а особено тука се очекува заложба од младите судии.