Годишна програмa
ПРОГРАМА ЗА РАБОТАТА НА ЗДРУЖЕНИЕТО НА СУДИИТЕ НА РЕПУБЛИКА МАКЕДОНИЈА ЗА 2015 ГОДИНА
- Поттикнување на стручната јавност за теми важни за развој на правната мисла преку објавување на стручното списание „Судиска Ревија“.
- Афирмација на континуираните заложби за унапредување на судството преку соодветно одбележување на Денот на правосудството.
- Заложба за подобрување на квалитетот на судските постапки преку изготвување на Прирачник за странки без полномошник во парнична постапка и други форми на доближување на постапките пред судовите до јавноста.
- Зголемување на професионалноста на судиите и усогласување со европските стандарди во поглед на антикорупција и судир на интереси преку работата на Советодавното тело за судиска етика на Здружение на судиите на Република Македонија.
- Продолжување на проектот за испитување на мнението на странките кои поминале некоја судска постапка, со цел да се дојде до конкретни податоци во поглед на нивното искуство и мислење за независноста на судството и владеењето на правото. (Ангажирање на професионална агенција која ќе ја спроведе анкетата и ќе ги обработи добиените податоци).
- Перманентно учество и активна улога во градењето стратегија за реформа во правосудниот систем.
- Јакнење на капацитетите на судството.
- Размена на искуство во градењето на капацитетите на Здружението со компаративни предности на земјите во ЕУ.
ПРОГРАМА ЗА РАБОТАТА НА ЗДРЖЕНИЕТО НА СУДИИТЕ НА РЕПУБЛИКА МАКЕДОНИЈА ЗА 2014 ГОДИНА
- Потребата од донесување на нов Кодекс за судиска етика, усогласен со стандардите на Европската Унија.
- Транспарентност на судовите преку промовирање на судските одлуки и афирмација на канцелариите на судовите за односи со јавност, како и ажурирање на веб страната на Здружението на судиите на Република Македонија, со цел зголемување на довербата и јавната перцепција за судство.
- Пракса на Европскиот суд за човекови права и нејзино доближување до судиите.
- Подобрување на општиот капацитет на судовите за справување со случаи на корупција и судир на интереси, особено во случаите со висок профил на корупција.
- Продолжување на проектот „Насоки за воедначување на казнената политика и практична примена на спогодувањето“, особено институтот спогодување за казна (вина).
- Довршување на подпроектот „Развивање соодветни измени на оценување на работата на судиите и дисциплинските постапки“.
- Започнување нов проект за испитување на мнението на корисниците на услуги, кои поминале некоја судска постапка, со цел да се дојде до конкретни податоци во поглед на нивното искуство и мислење за независноста на судството и владеењето на правото. (Ангажирање на професионална агенција која ќе ја спроведе анкетата и ќе ги обработи добиените податоци).
|