ЗСРСМ

Дата: 11.08.2026

С О О П Ш Т Е Н И Е Судскиoт совет на Република Северна Македонија и Здружение на судиите на Република Северна Македонија, во врска со Решението на Уставниот суд И.бр.1/2026 и реакциите што тоа ги предизвика во јавноста, смета за потребно да укажат на неколку принципиелни прашања од значење за независноста на судската власт и владеењето на правото. Судскиот совет на Република Северна Македонија и Здружение на судиите на Република Северна Македонија го почитуваат уставниот статус на Уставниот суд и принципот дека неговите одлуки се конечни и извршни и дека надлежните државни органи се должни да постапуваат во согласност со обврските што произлегуваат од нив. Истовремено, еднакво значајно е почитувањето на уставно загарантираната самостојност и независност на судовите, законски уредениот тек на судските постапки и правото на користење на предвидените правни лекови. Во конкретниот случај, Решението П4-240/22 од 4 мај 2026 година на Основниот граѓански суд Скопје не е правосилно и против него е изјавена жалба за која треба да одлучува надлежниот второстепен суд. Оттука, постапката сe уште е во тек, а оценката на законитоста на првостепената одлука му припаѓа само на надлежниот второстепен суд. Во такви околности, Судскиот совет на Република Северна Македонија и Здружение на судиите на Република Северна Македонија сметаат дека секое институционално постапување поврзано со конкретната неправосилна судска одлука бара особена внимателност и воздржаност, за да не се создаде впечаток на прејудицирање на исходот од постапката или на притисок врз судиите кои одлучуваат во конкретниот предмет. Независноста на судството не е привилегија на судиите, туку гаранција за граѓаните дека за нивните права и обврски ќе одлучува независен и непристрасен суд. Функцијата на судовите не се состои во извршување на одлуки на други државни органи, туку во самостојно и независно судење врз основа на Уставот, законите и ратификуваните меѓународни договори. Оттука, ниту еден орган, без оглед на неговата уставна положба, не може да определува или да прејудицира каква одлука треба да донесе судот во конкретен предмет. Судскиот совет на Република Северна Македонија и Здружението на судии на Република Северна Македонија особено нагласуваат дека почитувањето на одлуките на Уставниот суд и почитувањето на независноста на редовните судови не се спротивставени вредности. Напротив, тие се составни делови на истиот уставен поредок и на принципот на владеење на правото. Нивната заштита подразбира секој орган да ги остварува своите надлежности во уставно и законски утврдените граници, со должно почитување на надлежностите и независноста на другите органи. Судскиот совет на Република Северна Македонија и Здружение на судиите на Република Северна Македонија остануваат цврсто определено за доследно почитување на Уставот, законите и одлуките на Уставниот суд, но и за бескомпромисна заштита на независноста на судската власт, правото на правично судење и непреченото функционирање на системот на правни лекови. Само преку институционална воздржаност, заемно почитување на уставните надлежности и доследно почитување на законските процедури може да се обезбеди владеење на правото и да се зајакне довербата на граѓаните во институциите.

Дата: 03.07.2026

Здружението на судии на Република Северна Македонија, со поддршка на иницијативите за унапредување на статусот и условите за работа на судската служба. Судската служба претставува есенцијален и неодвоив дел од судскиот систем. Нејзината стручност, посветеност и секојдневна работа се неопходни за навремено, ефикасно и законито функционирање на судовите. Без професионална и мотивирана судска служба не е можно да се обезбеди ефикасно спроведување на судската власт, владеење на правото, ниту доследно почитување и заштита на Уставот загарантираните права и слободи на граѓаните. Во изминатиот период судовите се соочуваат со сериозен и континуиран одлив на судски службеници, при што голем број работни места остануваат непополнети. Поради тоа, постојните вработени секојдневно работат во услови на значително зголемен обем на работа, преземајќи обврски кои ги надминуваат редовните работни задачи. Истовремено, бројот на предметите во работа во судовите постојано се зголемува, а човечките ресурси со кои располага судската служба се намалуваат. Таквата состојба создава сериозен ризик за навремено и квалитетно постапување по предметите, без оглед на заложбите и професионалноста на судиите и судските службеници. Особено загрижува фактот што судските службеници имаат едни од најниските примања, не само во споредба со судските администрации во земјите од регионот, туку и во однос на вработените во другите органи на државната управа, како на централно така и на локално ниво. Ваквата состојба директно влијае врз мотивацијата, задржувањето на искусниот кадар и привлекувањето нови стручни лица во судството. Здружението на судии смета дека вложувањето во судската служба не претставува трошок, туку инвестиција во ефикасно, независно и функционално судство. Само со обезбедување достоинствени услови за работа, соодветно вреднување на трудот и стабилност на судската администрација може да се обезбеди квалитетно функционирање на судовите. Воедно, потсетуваме дека сите реформски процеси во правосудството, донесувањето нови закони и усогласувањето со европските стандарди ќе останат без суштински ефект доколку нема доволен број стручни и мотивирани судски службеници кои секојдневно ќе ги спроведуваат тие реформи во пракса. Ниту еден закон, без оглед на неговиот квалитет, не може да ги даде очекуваните резултати доколку нема кадровски и институционален капацитет за негово доследно спроведување. Поради наведеното, Здружението на судии на Република Северна Македонија ги поддржува барањата за подобрување на материјалната положба, условите за работа и професионалниот статус на судските службеници и ги повикува надлежните институции, преку конструктивен дијалог, да преземат конкретни мерки за надминување на состојбите и обезбедување стабилен и ефикасен судски систем во интерес на граѓаните и државата.

Дата: 31.03.2026

Здружението на судии на РСМ, со особена чест и задоволство, упатува честитки по повод 31 Март – Денот на правосудството, до сите судии и судски службеници во земјата. Вашето неизмерно вложување, посветеност и истрајност во секојдневната работа, и покрај сите предизвици со кои се соочуваме, придонесуваат за владеење на правото, зајакнување на правната држава и доследно почитување на правата на граѓаните. По тој повод, Здружението на судии, во соработка со Мисијата на ОБСЕ во Скопје, деновиве организира работилници за одбележување на Националниот ден на судството, посветени на судиската етика, интегритетот и креирањето механизми за управување во кризни состојби, со цел унапредување на судискиот авторитет и градење доверба кај јавноста. На овие работилници, судиите имаат можност да се осврнат и на актуелните предизвици, реформите во судскиот систем, како и на заложбите за подобрување на статусот на судиите и судската служба. Воедно, на работилниците се посветува внимание и на влијанието на дигитализацијата и социјалните медиуми врз работата на судиите, истакнувајќи ги новите можности, но и предизвици за одржување на професионализмот, независноста и јавната доверба. Исто така, беше нагласена улогата на институционалните механизми, како советодавните тела за етика и антикорупциските иницијативи, во зајакнувањето на транспарентноста, отчетноста и високите етички стандарди во судството. Со почит, Здружение на судии на РСМ

Дата: 30.03.2026

На 30 март 2026, Мисијата на ОБСЕ во Скопје, заедно со Здружението на судии на Северна Македонија, организираше работилница за судска етика со цел да го одбележи Националниот ден на судството. ?? Воведен во 2016, овој ден е важен момент за судската заедница да се осврне на предизвиците и да ги поддржи тековните подобрувања во правосудниот систем. Околу 40 учесници, вклучително и судии на почетокот на кариерата, дискутираа за клучни елементи на интегритетот во судството, вклучително и: ?? спроведувањето на Политики за интегритет во судови и правосудни институции, развиени со поддршка од Мисијата ?? примената на Етичкиот кодекс за судии и судии-поротници На работилницата беше посветено внимание и на влијанието на дигитализацијата и социјалните медиуми врз работата на судиите, истакнувајќи и нови можности и нови предизвици за одржување на професионализмот, независноста и јавната доверба. Исто така беше истакната улогата на институционални механизми како советодавни тела за етика и антикорупциски иницијативи при зајакнувањето на транспарентноста, отчетноста и високите етички стандарди во судството. ?? ............. Me 30 mars 2026, Misioni i OSBE-se ne Shkup, se bashku me Shoqaten e Gjyqtareve te Maqedonise se Veriut, organizoi nje punetori mbi etiken gjyqesore per te shenuar Diten Nacionale te Gjyqesorit. ?? Themeluar ne vitin 2016, kjo dite eshte nje moment i rendesishem per komunitetin gjyqesor per te reflektuar mbi sfidat dhe mbeshtetjen e permiresimeve aktuale ne sistemin gjyqesor. Afer 40 pjesemarres, perfshire gjyqtare te rinj, moren pjese ne diskutimin mbi: ?? forcimin e integritetit ne gjykatat dhe institucionet kyce te drejtesise ?? Kodin e Etikes per Gjyqtaret dhe Gjyqtaret Porote Kjo punetori theksoi gjithashtu dhe ndikimin e digjitalizimit dhe rrjeteve sociale mbi punen e gjyqtareve, duke theksuar mundesite dhe sfida e reja per ruajtjen e profesionalizmit, pavaresise dhe besimit publik. Madje, theksoi dhe rolin e mekanizmave institucional sic jane ato te trupave keshilledhenese mbi etiken dhe nismat per forcimin e transparences, pergjegjesise dhe standardeve te larta etike mbare gjyqesorit. ?? .............