На 11.7.2016 година во Гостивар се одржа презентација на Кодексот на судиска етика за судиите во Република Македонија, во организација на Здружението на судиите на Република Македонија и Академијата за судии и јавни обвинители „Павел Шатев“, со финансиска поддршка од ИПА – проектот 2010 – „Понатамошна поддршка за независно, одговорно, стручно и ефикасно судство и унапредување на пробациската служба и алтернативните мерки.“
Презентацијата се одржа во присуство на судии, јавни обвинители, адвокати, нотари, извршители, како и претставници на невладини организации чие делување е во областа на демократија и владеење на правото. Во работниот дел беше презентиран и Практичен водич за новиот етички Кодекс чија цел е зголемување на способноста на судиите соодветно и со интегритет да ги извршуваат своите должности во согласност со меѓународните стандарди преку спроведување и примена на Кодексот за судиска етика.
Во наредниот период, планирано е презентацијата на Кодексот и Водичот да се одржи на сите апелациони подрачја во Република Македонија.
|