На средбата се разговараше за прашањето на платите и додатоците на плата на судиите. Претставниците на Здружението ја информираа Владата за одлуката на судиите да тужат по однос на заостанаттите неисплатени додатоци од 2016 година, како и потребата од изнаоѓање на системско решеније за платите на судиите, конкретно корегирање на коефициентот и основицата за пресметка на платата на судиите, со конкретни предлог мерки за надминување на оваа сиутуација. Притоа, претставниците на судиите ја искажаа подготвеноста на судиите изразена преку повеќе записници на подружници дека се спремни за евентуално вонсудско решавање на спорот околу додатоците, притоа ја известија Владата за неопходноста од преземање на итни мерки со оглед на роковите за тужба.
Премиерот изрази разбирање за барањата на судиите и подготвеност за сеопфатно решение во однос на платите на судиите, а имајќи ги предвид буџетските можности и импкикации, постапките предвидени со закон за реализација на буџет, притоа предложи мерки кои претставуваат пакет за решавање на целокупната состојба.
|