Предмет на научно- стручната расправа беше насочен кон три примарни точки од реформата на правосудството и пристапот до правдата кои се издвојуваат според сериозноста и комплексноста:
- Пристапот на медиумите до правдата како предуслов за судска независност и транспаретност;
- Практичните предизвици во односот помеѓу судството и медиумите со посебен осврт спрема медиумски пристап до судски предмети во кои се вклучени високи државни службеници;
- Теоретски и практични аспекти на Законот за одредување на видот и одмерување на висината на казните.

На научната расправа свое учество земаа американски и домашни практичари и експерти, кои имааа за цел идентификување примери на добри практики како и да ги дискутираат другите судски примери. На крајот од панел – дискусиите беа донесени финални препораки од расправата, во вид на заклучоци ќе бидат земени во предвид за натамошни измени и дополнувања на законските решенија предмет на оваа расправа.

Финални препораки и заклучоци:
- Односнот помеѓу медиумите и судството треба да биде заснован врз професионалнизам, доверба и непристрасно известување.

- Моменталната состојба на односите меѓу медиуите и судството во Република Македонија е на незадоволително ниво.

- Известувањето за судските случаи мора да биде професионално и непристрасно, а не сензационално.

- Единствениот допир со работата на судовите, медиумите ги имаат преку годишните извештаи на работата на судовите за тековната година.

- Иако постои етички кодекс за професионално медиумско известување, најчесто одредбите остануваат мртво слово на хартија и не се применуваат во практиката.

- Потребно е да се изнајдат дополнителни средства за аудиовизуелно снимање на кривичните постапки согласно правилата од ЗКП.

- Потребно е професионално медиумско известување за сите, но и за високопрофилните кривични судења, со запазување на начелото на презумпција на невиност.

- Потребно е продлабочување на соработката со здруженијата на новинари во Република Македонија, за со цел организирање на дополнителни обуки за членовите на судскиот ПР оддел.

- Потребно е зајакнување на капацитетите на ПР службите во судовите, за практична примена на одредбите од Законот за судовите.

- Јавноста преку медиумите мора да има присуство на судските процеси, освен во случаи предвидени во закон.

- Согласно заклучоците од состанокот со судија Роберт Корди од Врховниот суд на Масачусетс, може да се разгледа идејата за создавање на независно судско – медиумска Комисија составена од судии и претставници од медиуите за со цел, изнаоѓање, креирање и спроведување на политики за известување на судските процеси.

- Одредувањето на казната е подрачје кое е отворено за дополнително регулирање со судската практика.

- Воедначувањето на казнената политика треба да се прави согласно одредбите од Законот за судовите и ставовите и мислењата на Врховниот суд на РМ.