На 8-9 Ноември, во организација на Мисијата на ОБСЕ во Скопје, се оддржа дводневна конференција на тема "Расправа за предлог-измените во Законот за судовите и Законот за Судски совет" во хотел Александар Палас, Скопје.
На дводневната расправа, свој говор имаше и претседателот на Здружението на судиите, судија д-р. Џемали Саити, на кој ја истакна потребата и начинот за нов модел на Судскиот совет според препораките на Венецијанската комисија, како и се осврна на конкретните проблеми и прашања со кои се соочува судството во Република Македонија. Презентација оддржа и министерката за правда проф-д-р. Рената Дескоска која се осврна на воспоставување на систем со гаранции за независност во судството, како и дефинирани основи за одговорност кај судиите. Свој говор одржа и амбасадорот на Мисијата на ОБСЕ во Скопје г-дин. Клеменс Која. На настанот учествуваа судии, професори, како и претставници од министерството за правда и невладиниот сектор.
 |