Здружението на судиите на Република Македонија, по иницијатива на подружницата на Основен суд Гостивар испрати Барање до претседателот на Судски буџетски совет за овозможување средства за обезбедување користење на пристап до електронската база на прописи - Академика.
Бидејќи проектот на бесплатна поддршка на судството заврши на 29 фебруари 2016 година, а при непостоење на друга алтернатива – секојдневно ажурирана база на прописи, користењето на Академика навистина претставува неопходно средство за работа на судиите со што се олеснува работата и го скратува времето за истражување на важечките верзии на прописите, што на крајот допринесува и за квалитетни судски одлуки, имајќи предвид дека ажурирањето на сите промени на прописите на Академика се врши секојдневно. |