ПРАВНА ШКОЛА ЗА НОВИНАРИ ДЕЛ 2 10.12.2019 година

Во рамките на проектот „Зајакнување на улогата и функционалноста на Судско медиумскиот совет“ на 12ти декември во хотел ТЦЦ Гранд Плаза во Скопје се одржа вториот дел од работилницата Правна школа за новинари со наслов „Правосудство, кривична правда и медиуми“. На работилницата свое учество имаа членовите на Судско медиумскиот совет и експерти од регионот. Размената на искуства и позитивни практики придонесе кон позитивна расправа за клучните предизвици со кои се соочуваат новинарите при пристапот до списи од судските предмети од јавен интерес, како и односите на судовите со медиумите. Посебен дел на работилницата беше ставен на борбата против лажните вести и проверката на факти од страна на медиумите при објавуање на статии од значаен јавен интерес. На крајот од работилницата беа донесени заклучоци и препораки кои дополнително ќе бидат разгледувани на следната седница на Судско медиумскиот совет и во вид на коуникеа ќе бидат доставени до Министерството за правда на Северна Македонија за да бидат земени предвид при дополнителни измени и дополнувања на законските решенија.