Управниот одбор на Здружението на судиите на Република Македонија, на седница одржана на 25.1.2018 година, ги избра членовите на Советодавното тело за судиска етика на Здружение на судии на Република Македонија кое е предвидено во рамките на Кодексот на судиска етика на судиите на Република Македонија. Ова тело има советодавен карактер за прашања кои се однесуваат на повреди на принципите на Судискиот кодекс. Советодавното тело брои 7(седум) членови, при што на денешната седница беа избрани 6(шест) члена од предложените кандидати по пат на поединечно изјаснување на членовите на Управен одбор. Во однос на седмиот член – предложен од подружницата на Врховниот суд на Република Македонија, Управниот одбор дополнително ќе се произнесе.

На денешната седница Управниот одбор расправаше и за Предлог на закон за измени и дополнувања на Закон за судови и Предлог на закон за измена и дополнување на законот за Судски совет, на која членовите на Управниот одбор ги искажаа своите забелешки кои ќе бидат составен дел на забелешките што треба да пристигнат од подружниците на Здружението на судии на РМ, кои ќе бидат доставени до Владата на Република Македонија

И на оваа седница Управниот одбор расправаше за платите и останатите статусни прашања на судиите при што заклучи да се преземат дополнителни активности со цел доследно почитување на Законот за платите на судиите.