О б р а з л о ж е н и е

До Советодавното тело за етика на судиите и судиите поротници поднесено е барање од страна на судија на Основен кривичен суд кое содржеше прашање Дали е во ред судија да биде член на Ротари клуб во Скопје, основан со мисија членовите – професионалци од повеќе области и лидери во зедницата, своите вештини и можности да ги стават во служба на заедницата во која битисуваат.

Советодавното тело за етика на судиите и судиите поротници го разгледа барањето, па по истото го донесе погоре наведеното мислење, кое е превентивно и има советодавен карактер, при што секој судија кој што сака да биде член на определено здружение, во зависност од актите на здружението, треба да оцени дали членувањето е во согласност со принципите на Кодексот за етика на судиите и судиите поротници.