Претседателот на Здружение на судиите на Република Северна Македонија д-р Џемали Саити, денес оствари средба со Министерот за Правда Бојан Маричиќ, на која дискутираа за состојбите во судството, со акцент на заштитата на судската независност, зголемување на ефикасноста, одговорноста и транспарентноста во судството со цел зголемување на довербата во правосудниот сектор.
Соговорниците заклучија дека треба да продолжи партнерството и дијалогот во спроведувањето на реформите и имплементацијата на усвоената правна рамка која беше дел од реформскиот процес.
Претседателот изрази благодарност за подршката на министерот Маричиќ во насока на подобрување на севкупните капацитети и претпоставки за независно и самостојно судство и креирање на услови за зајакнување на судскиот интегритет и зголемувањето на довербата на граѓаните во правосудниот сектор. |