На 29ти ноември во просториите на Здружението на судиите на Република Северна Македонија се одржа финалната конференција од проектот „Подобрување на механизмите за судиска етика – споделување на најдобрите практики во регионот и ЕУ“. Настанот беше отворен од судија д-р Џемали Саити и Н.Е. г-дин Андри Ван Менс, Заменик амбасадор на Кралството Холандија во Северна Македонија На настанот свое учество зедоа судии, обвинители, адвокати, претставници од медиуите, невладините организации и меѓународната јавност. На конференцијата беа презентирани резултатите од проектот што доведоа донесување на нов Кодекс за етика на судии и судии поротници, како и сеопфатна анализа на стандардите и принципите на судиска етика која е прв сеопфатен документ во Северна Македонија со насоки за подобрување на стандардите за етика, превенција на конфликтот на интереси кај судиите во однос на вршењето на судската функција и разделување на етичка од дисциплинска одговорност на судиите. Проектот беше имплементиран од Здружението на судиите на Северна Македонија со поддршка на МАТРА програмата на Амбасадата на Кралството Холандија во Северна Македонија. |