На седница одржана на 10.12.2014 година, Управниот одбор на Здружението на судиите на Република Македонија расправаше за зачестените напади над интегритетот на судиите, и во врска со тоа го дава следното

СООПШТЕНИЕ:

Здружението на судии на Република Македонија остро реагира на нападот на материјалните добра на судиите, доколку истите се насочени кон заплашување  во нивното правораздавање. Во оваа насока истакнуваме загриженост од нападите на личниот интегритет на судиите и загрозување на нивната безбедност.
Се надеваме дека надлежните органи во рамките на своите надлежности ќе преземат соодветни мерки за заштита на личниот интегритет, материјалните добра и приватноста на судиите.