Здружението на правници организира советување со обука на тема „Примена на последните февруарски измени на Законот за јавни набавки (Службен весник бр.28/14 од 06.02.2014) заедно со поврзаните претходни измени на ЗЈН“.
Првиот блок од советувањето со обука ќе биде посветен на најновата новелација на Законот за јавни набавки објавена во „Сл.весник на РМ“ бр.28/14 од 06.02.2014 година, со посебен осврт на одредбите коишто се однесуваат на зајакнувањето на контролата и стеснувањето на кругот на субјективно делување на договорните страни.
Вториот блок ќе биде во форма на обука во врска со придобивките од користењето на ЕСЈН (електронскиот систем на јавни набавки), односно детално презентирање и симулирање на тоа како треба да изгледа една уредна документација за јавна набавка, поради што пожелно е учесниците да дојдат на ова советување со свој лап-топ, како би можеле соодветно да ја проследат обуката за ЕСЈН.
Презентери на советувањето со обука за јавни набавки ќе бидат д-р Маре Богева-Мицовска, директор на Бирото за јавни набавки и м-р Марија Јованоска, раководител на сектор во Бирото за јавни набавки. Модератор на советувањето со обука ќе биде д-р Даница Миладинова, извршен директор на Здружението на правниците на РМ.
Во прилог се агендата и пријавата за учество. PRIJAVA.docx finalna agenda-1.pdf |