Претседателот на Здружението на судиите на Република Македонија на сите чинители во правосудниот систем им го честита денот на правосудството, воедно потенцирајќи го значењето и улогата на правосудството како чувар на Уставот и неговата првенствена функција- спроведување на правдата како перманентен двигател за заштита на правото и моралните вредности на кои почива правдата.
На 31 март 1945 година е донесена повелба на АСНОМ за устројството на редовните народни судови на Федерална Македонија и Решение на АСНОМ за создавање на Суд за судење на престапи против македонската национална чест. Со повелбата се основани 25 околински судови, 3 обласни судови со седишта во Скопје, Штип и Битола, и Врховен суд со седиште во Скопје. Од тие причини, 31 март 1945 година се смета за ден на основање на судовите, односно поставување на темелите на судството во Република Македонија.
|