Здружението на судиите на Република Македонија и авторката Д-р Милка Ристова, судија на Врховниот суд на Република Македонија Ве покануваат на промоција на книгата КРИВИЧНОТО ПРАВОСУДСТВО ВО МАКЕДОНИЈА 1878-1912 ГОДИНА.
Промоцијата ќе се одржи на 19.04.2013 година (петок) во 11 часот во Големата сала на Врховниот суд на РМ на прв кат.
Книгата КРИВИЧНОТО ПРАВОСУДСТВО ВО МАКЕДОНИЈА 1878-1912 ГОДИНА е магистерски труд на Д-р Милка Ристова под менторство на проф.др.Љупчо Арнаудовски, одбранет во 1990 година на Правниот Факултет при Универзитетот „Кирил и Методиј“ во Скопје.
Предмет на научен интерес во истражувањето се почетоците на поновата државно-правна историја на македонскиот народ во втората половина на деветнаесетиот и почетокот на дваесетиот век. Книгата е напишана во осумдесеттите години на минатиот век, во време кога Република Македонија сеуште е една од шесте републики на Југословенската Федерација ( СФРЈ), односно пред нејзината независност.
Книгата КРИВИЧНОТО ПРАВОСУДСТВО ВО МАКЕДОНИЈА 1878-1912 ГОДИНА ќе се продава на самата промоција на 19.04.2013 година по цена од 200 денари. |