Претседателот на Здружението на судиите на Република Македонија, д-р Џемали Саити, судија Емилија Шопар Јованова и судија Шпенд Деваја – членови на управниот одбор, на 10.8.2016 година остварија средба со в.д заменик амбасадорот Дејвид Стивенсон, шеф за Политички и прашања на Владеење на Право и економија во Амбасадата на САД во Скопје.
Во фокус на разговорите беа моменталните состојби во судството, прашањата за независноста и самостојноста, довербата и перцепцијата на јавноста кон судството, како круцијален сегмент за владеење на правото и правната држава. Посебен акцент беше ставен на соработката на Здружението со Амбасадата на САД и нивните инструменти и програми за унапредување на владеењето на правото и демократијата, при што беше констатирана потребата за интензивирање на понатамошната соработка. |