Центарот за правни истражувања и анализи, во рамки на проектот Развивање на индикатори за мониторинг на перформансите на правосудството, кој е поддржан од Британската амбасада Скопје, го стави во функција веб форумот кој претставува една од алатките за креирање на матрица за мерење на перформансите на правосудството. Врз основа на принципот на инклузивност, веб форумот има за цел да ги вклучи мислењата и ставовите на сите засегнати страни во судскиот процес, односно јавните институции, граѓанските организации, индивидуи итн.
Поставувањето на веб форумот следи по завршувањето на компаративната студија Мерење на напредокот на судските реформи: Клучни принципи, стандарди и практики во Македонија и 7 земји-членки на ЕУ: Хрватска, Естонија, Франција, Унгарија, Литванија, Словенија и Обединетото Кралство, како и серија на консултативни состаноци и тркалезни маси со сите релевантни институции и организации, со цел да придонесат кон содржината на матрицата.
За да можете да ги оставите Вашите коментари потребно е да се логирате на линкот во прилог со Вашата е-маил адреса. Коментирањето е анонимно и може да се употреби корисничко име по желба. Сите лични податоци, како и е-маил адресите, нема да бидат видливи ниту достапни за јавноста.
На самиот форум постои можност за отварање на нови теми, покрај постоечките.
За пристап до форумот кликнете на следниот линк: forum.cpia.mk/ |