Денес, 22 февруари 2022 година, Проектот на УСАИД за граѓанско учество и Здружението на судии на Република Северна Македонија беа домаќини на конференцијата „Функционализација и операционализација на Телото за етика на судиите и судиите поротници во Северна Македонија“. За време на конференцијата, говорниците ја информираа општата и стручната јавност за целите и задачите на Телото за етика на судиите и судиите поротници, како и за активностите за зајакнување на неговите капацитети.
Проектот на УСАИД за граѓанско учество ќе обезбеди поддршка за промоција и видливост на Советодавното тело за судска етика формирано од Здружението на судии, организирање на меѓусебно вмрежување и обука за судии и судии - поротници во контекст на Кодексот за судиска етика, и ќе обезбеди експертска поддршка во анализата и ревизијата на Кодексот за судска етика.
БЕЛЕШКА ЗА УРЕДНИЦИТЕ
Американскиот народ преку УСАИД има инвестирано повеќе од 830 милиони долари во Северна Македонија од 1993 година досега. УСАИД е водечка меѓународна агенција за развој во светот и двигател кој води до развојни постигнувања. Работата на УСАИД ја унапредува националната безбедност и економскиот просперитет на САД, ја отсликува американската великодушност и на земјите со кои соработува им помага на патот до самостоен и стабилен развој. За повеќе информации за работата на УСАИД во Северна Македонија, посетете ја веб-страница https://www.usaid.gov/north-macedonia и следете ги на YouTube, Твитер и Фејсбук. |