На ден 20.5.2016 година, Здружението на судиите на Република Македонија одржа Вонредно собрание. На седницата беше избран нов Управен и Надзорен одбор на Здружението.
Во работниот дел, Собранието ги усвои и предложените измени на Кодексот за судиска етика на судиите на Република Македонија, кои се однесуваат на т.9.2 и т.9.3 од Кодексот.
Собранието расправаше и за платите и надоместоците на судиите и ги усвои следните заклучоци:
• Собранието ги подржува напорите на Претседателот на Здружението и Управниот одбор во правец на усогласување на платите и додатоците на плати согласно Законот за платите на судиите и Законот за дополнување на законот за платите на судиите (Службен весник на РМ, бр.231 од 31.12.2015 година);
• Собранието на Здружението, ги демантира написите во одредени средства за информирање дека на судиите во Република Македонија им било исплатено било какво покачување на плати, односно додатоци,
• Се подржуваат активностите на судската служба во напорите за покачување на платите. |