На денешен ден 10 декември 2021 година Судско медиумскиот совет при Здружение на судиите на РСМ одржа седница на која ја усвои Стратегијата за подобрување и зајакнување на судската транспарентност на Судско-медиумскиот совет на РСМ 2021-2023.
Стратегијата беше предвидена како активност во рамките на проектот „Зајакнување на капацитетите и функционалноста на Судско-медиумскиот совет на Северна Македонија„ имплементиран од Здружението на судиите на Република Северна Македонија и Амбасадата на Соединетите Американски Држави во Република Северна Македонија.
Активноста предвидуваше создавање на посебна партнерска работна група, составена од членови, делегирани од партнер-институциите потписнички на меморандумите за соработка со Судско-медиумскиот совет.
Стратегијата е документ во кој се специфицираа целите, резиците, активностите и придонесите од секоја институција, во насока на зајакнување на судската транспарентност преку долгорочно подобрување на судско-медиумските односи.
Стратегија.pdf
|