Управниот одбор на Здружение на судиите на Република Северна Македонија, на VII – та седница, одржана на 06.03.2021 година, расправајќи по повод новонастанатата состојба со COVID – 19, го донесе следниот:
Заклучок:
По претходно информирање на члeновите на Управен одбор од страна на Претседателот на Здружение на судиите на РСМ, за реакцијата на дел од подружниците, за потребата од хармонизација на работата на судовите, согласно новонастанатата состојба со вирусот COVID 19, Управниот одбор заклучи, Здружението на судиите да побара од Судски совет, да преземе соодветни мерки, за целосно почитување на здравствените протоколи утврдени од страна на Владата на РСМ преку конкретни активности:
1. Да се донесе одлука за одлагање на закажаните рочиштата,
2. Да се судат само итните и недоложни предмети,
3. За судиите кои ќе ги судат итните и неодложни предмети да се обезбедат соодветни мерки за заштита, согласно Протоколите утврдени од страна на Министерството за здравство и Владата на РСМ, и Протоколот донесен од страна на Здружението на судиите, изготвен во соработка со мисијата на ОБСЕ во Скопје. |