Здружението на судиите, на 28 и 29 Март, во хотел Александар Палас, организира дво-дневен настан по повод прославата на "Денови на правосудство" во соработка со Мисијата на ОБСЕ во Скопје. Првиот ден од дво-дневниот настан е поставен како работен дел на тема "На патот кон европско судство: предуслови и предизвици"на кое учество ќе земат домашни и меѓународни судии и експерти.
Вториот ден од дво-дневниот настан е поставен како работен дел на кое ќе се дискутира за инклузивноста на судиите во решавање на статусните прашања и можностите за нејзино зајакнување со компаративни искуства, на кое учество ќе земат судии од Европа. Свечената академија по повод "Денови на правосудство" ќе се оддржи веднаш после работниот ден на 29 Март со почеток во 14:00 часот, во кое свои поздравни обраќања ке оддржат Амбасадорот на Мисијата на ОБСЕ во Скопје, г-дин. Клеменс Која, проф.д-р. Рената Дескоска, министер за правда на Република Северна Македонија, г-ѓа Микаела Швајзер-Блум, вршител на должност амбасадор на САД во Р. Северна Македонија, Амбасадорот на Холандија во Р. Северна Македонија, г-дин Ваутер Пломп, како и Претседателот на Здружението на судиите, судија д-р. Џемали Саити, судија на Врховниот суд на Р. Северна Македонија.
|