Одберете јазик
 
на веб страната на здружението
СУДСКО МЕДИУМСКИ СОВЕТ
Sudsko mediumski
Судиски информатор
Судиска ревија
Судска ревија
Публикации
Закони, прописи, акти
 
Службен Весник
Потпишан Меморандум за соработка помеѓу Судско-медиумскиот совет и ЗНМ
 
February 17, 2021
  Денеска во просториите на ЗНМ претседателот на Здружение на судии Џемали Саити како и претседателот на Судско-медиумскиот совет Иван Џолев и претседателот на ЗНМ Младен Чадиковски потпишаа меморандум за соработка.

Целта на овој меморандум е подобрување на меѓусебна соработка помеѓу новинарската и судска фела и унапредување на соработката во областа на судската транспарентност. Судско медиумскиот совет и ЗНМ во иднина ќе соработуваат во подготовка на Стратегија за зајакнување на судската транспарентност како и подготовка и промоција на други документи од областа на транспарентноста и односите со новинарите и медиумите. Двете организации во иднина ќе организираат заеднички настани за новинари и судии и ќе соработуваат во заеднички проекти од областа на медиумите и правосудството.

Претседателот на Здружението на судиите на Република Северна Македонија Џемали Саити кажа: „Овој меморандум е само почеток, а во иднина имаме волја и желба да имаме конкретни проекти со ЗНМ преку кои ќе бидат заедно вклучени и новинарите и судиите а со цел да се зајакне довербата помеѓу овие две фели и да се подобри самата комуникација“.


„Соработката на новинарите и судиите е важна во насока на подобрување на јавниот имиџ на двете професии пред јавноста како предуслов за подобрување на довербата на граѓаните кон професионалните новинари и одговорните судии“, истакна Младен Чадиковски.

На средбата претседателот на советот и на Основниот кривичен суд во Скопје Иван Џолев кажа дека Кривичниот суд како и досега, останува отворен за соработка со новинарите и медиумските работници со желба за продлабочување на соработката. Воедно отворени сме и за нови идеи и предлог проекти од медиумите кои се во правец на поголема отвореност на судот што е во корист пред се за јавноста и јавниот интерес. Во иднина ќе се залагаме за уште поголема транспарентност не само на Кривичниот суд, туку и на целиот правосуден сектор, а истовремено очекуваме објективно и професионално известување за работата на судот“.

Една од првите заеднички активности во рамки на овој меморандум ќе биде и изработката на Стратегијата за зајакнување на судската транспарентност во која ќе бидат дефинирани целите за идните делувања.

Назад
f
Судски Совет
Судови на РМ
Академија за обука на судии и јавни обвинители
Биро за судски вештачења
Адвокатска комора
Комора на извршители на РМ
Нотарска комора на РМ
Јавно обвинителство на РМ
ДПРМ
 
 
©2011 Здружение на судиите на Република Македонија
 
 
Изработката на Веб странава е финансиски подржана од американскиот народ, преку агенцијата на САД за меѓународен развој - УСАИД Македонија (www.usaid.org.mk), во рамките на Проектот за имплементација на судските реформи (www.jrip.org.mk)