Претседателот на Здружението на судиите на Република Македонија, д-р Џемали Саити на 18.7.2016 година во просториите на Здружението одржа работен состанок со проектниот офицер од Британската амбасада во Скопје, г-ѓа Лилјана Ристовска, и правни експерти од Центарот за правни истражувања и анализи.

    На состанокот проектниот офицер и експертите го претставија проектот „Подобрување на квалитетот на правдата во Република Македонија преку градење на капацитети за судиите и мерење на судските реформи“ со три клучни области: примена на индикаторите за мерење на реформите во правосудството; судска пракса; и економска вредност на предметите. Соговорниците заклучија дека е неопходно вклучување на Здружението на судиите на Република Македонија, како значаен фактор и клучен чинител во реформскиот процес на правосудниот систем.