На ден 28-29ти септември во хотел Александар Палас се одржа конференција „ Подобрување на односите меѓу судовите и медиумите: научени лекции, преземени чекори и идни предизвици“, во организација на Судско-медиумскиот совет на Република Северна Македонија, Здружението на судиите на Република Северна Македонија и Амбасадата на САД во Република Северна Македонија.
Отчетноста и транспарентноста на судството се темелници на демократијата и одраз на степенот на слободата и подготвеноста да ги заштитиме заедничките човекови права, вклучително и правото на барање, примање и пренесување информации. Меѓу другото, тоа придонесува и во борбата против корупцијата и подобрувањето на квалитетот на нашите индивидуални животи.
На оваа работилница се разгледаа специфични прашања на судската транспарентност и пристапот до записници во Северна Македонија, преку работата на Судско-медиумскиот совет, како и искуствата на САД, вклучително и преноси во живо на високо-профилни судења. Овој настан служи како катализатор за размњена на позитивни практики и овозможување дискуија за прашањата поврзани со: отвореноста на судовите, пристапот до правдата и преглед на најдобрите практики од американските и домашните судии, новинари и експерти. |