Одбележувајќи ги деновите на правосудството, Здружението на судиите предвидува имплементација на три форуми на кои ке учествуваат судии од четирите апелациони подрачја и централен завршен настан кој ќе се одржи во Скопје.

Овие форуми имаат за цел да се отвори расправа меѓу судиите и правните експерти, за прашања поврзани со наоѓањето на вистинска рамнотежа меѓу независноста и одговорноста на судиите, согласно релевантната законска регулатива и одредбите од Кодексот на судска етика, конфликтот на интереси и спречување на корупцијата во судството согласно препораките на ГРЕКО, како и дискусија за прашања поврзани со дисциплинската одговорност на судиите и постапката и критериумите за следење и оценување на работата на судиите, важноста на примената на судската пракса и останати механизми кои придонесуваат за независноста, самостојнаста и зголемувањето на довербата во судството.