На самата конференција стручната јавност беше информирана за реализираните активности согласно проектот:

• Промоција на Анализата на примената на Кодексот за етика на судиите и судиите поротници која се состои од пет глави во кои се изработуваат компаративните аспекти на судиската етика, националните правни и практични аспекти, анализа на препораките од извештајот на ГРЕКО, извештај од консултантот во однос на барањата на ГРЕКО, Законот за судови и Кодексот за етика на судиите и судииите поротници донесен од страна на Врховен суд на РСМ , и на самиот крај анализата содржи Заклучоци и препораки.

• Презентација на Веб апликацијата за судиска етика www.sudiskaetika.mk. Оваа специфична веб-страница е придружена со профили на социјалните мрежи и нејзината цел е подигнување на видливоста на Телото за етика на судиите и судиите поротници но и со пошироката јавност. На веб-страницата се објавуваат и одлуки, наоди, мислења и други релевантни публикации на Телото за етика на судиите и судиите поротници и е вклучена можноста за поднесување електронско барање за мислење од Советот.

• Објава на Информативен флеер дизајниран за специфични прашања поврзани со етичкото однесување на судиите и судиите-поротници и за Советодавниот совет за судска етика - Етички принципи за судиите и судиите поротници