Здружението на судиите на Република Македонија одржа седница на XI-то Редовно Годишно Собрание на 24.3.2016 година во амфитеатарот на МАНУ. По усвоената оставка на досегашниот претседател Николчо Николовски, делегатите во рамките на работниот дел на седницата избраа нов претседател на Здружението на судиите на Република Македонија.
За нов претседател е избран д-р Џемали Саити, судија на Врховен Суд на Република Македонија.
Д-р Џемали Саити е роден на 14.09.1966 година во Глумово, Скопје. Основното и средно образование ги завршува во Скопје. Дипломира на Правен факултет Скопје– правосудна насока на 21.03.1991 година. Се стекнува со Уверение за положен Правосудениот испит на 24.06.1996 година. Последипломски студии: - Магистар на правни науки – Правен факултет при Државниот Тетовски Универзитет на тема: “Примената на посебните истражни мерки“. - Доктор на правни науки - Правен факултет “Јустинијан први“ Скопје. Одбрана на докторската дисертација на 06.11.2012 година под наслов “Алтернативните мерки наспроти новите облици на криминалитет“ . На 18.8.2011 година е избран за судија во Виш Управен суд. На 25.12.2012 година е избран за судија во Врховен суд на РМ. |