На дебатата свое учество земаа американски и македонски практичари и експерти, кои имаа за цел да идентификуваат примери на добри практики, како и да ги дискутираат другите судски примери. Активното учество и предавање на судијата Пол Г. Бајрон, Окружен судија од Флорида – даде дополнителен придонес во заемната комуникација и размена на добри практики помеѓу македонски и американски судии, а во контекст на зајакнување на судската независност, Финалните препораки од расправата во вид на заклучоци ќе бидат земени предвид за натамошни измени и дополнувања на законските решенија предмет на оваа расправа, кои преку судија Џемали Саити, претседател на Здружението на судиите на Република Македонија ќе бидат претставени пред Советот за реформи во правосудството.